Noticias

Igape - Igape - Actualidade

Igape, Instituto Galego de Promoción Económica

19-6-2018 A Xunta defende que o tecido empresarial potencie a innovación para achegar valor engadido á economía

O director do Igape, Juan Cividanes, participou hoxe en Vilagarcía de Arousa no II Premio Ría de Arousa, organizado pola Asociación de Jóvenes Empresarios de Pontevedra (AJE) e a Autoridade Portuaria de Vilagarcía. Pon en valor a convocatoria desta iniciativa coa que se recoñece o labor dos novos emprendedores e a experiencia de empresas con tradición. Destaca que un dos retos da Xunta é que ningunha iniciativa empresarial diferente, novidosa e viable se quede nun proxecto lembrando algunhas das ferramentas de apoio coas que conta a Administración como son as aceleradoras.

más información
6-6-2018 A alianza de Galicia con Castela e León e Asturias é clave para consolidar o Noroeste peninsular como un polo de emprendemento e innovación

O conselleiro de Economía, Emprego e Industria participou en Xixón no Northwest Investor?s Day, unha iniciativa que reúne a 75 empresas das tres comunidades con posibles investidores, un terzo delas galegas. Apunta que o capital risco, tanto no ámbito público como no ámbito privado, pode permitir que a capacidade de crecemento e de consolidación das empresas sexa cada vez maior. Para facilitar o acceso ao crédito, a Xunta conta con apoios que inclúen tamén avais, garantías ou préstamos, no marco do Galicia 1000.

más información
1-6-2018 A Xunta activa hoxe unha nova convocatoria de axudas para facilitar a transformación dixital das Pemes galegas

O Goberno galego destina este ano 5 millóns en novos apoios para xerar e desenvolver proxectos individuais ou colectivos que permitan investir na dixitalización do tecido empresarial. As solicitudes poderán presentarse ata o vindeiro 5 de setembro.

más información
28-5-2018 A Xunta apoia a través do programa Galicia Emprende 118 proxectos que mobilizan 13,5 millóns de euros

A Consellería de Economía, Emprego e Industria concedeu axudas por 4,4 millóns de euros para apoiar proxectos de creación de novas empresas ou de consolidación de compañías nos primeiros 42 meses de funcionamento. Os proxectos aprobados contemplan a creación e sostemento de 264 empregos e abranguen actividades do sector industrial como a fabricación de compoñentes electrónicos ou a elaboración de produtos alimentarios ou bebidas, e de servizos, tanto comerciais, como sociais ou sanitarios.

más información
25-5-2018 A Xunta destaca o papel do sector TIC na transformación dixital e na consolidación da industria 4.0 no tecido empresarial galego

O director do Igape, Juan Cividanes, salientou na clausura do foro GaliciaTIC o labor fundamental que debe desempeñar o sector como facilitador da dixitalización das pemes no seu avance cara a Industria 4.0. Lembrou que o próximo mes de xuño se activará a nova convocatoria das axudas á dixitalización, ás que se presentaron máis dun cento de proxectos na primeira convocatoria.

más información
18-5-2018 A Xunta e CEAGA analizan a evolución dos investimentos 4.0 que están a desenvolver as empresas auxiliares da automoción

O director do Igape, Juan Cividanes, participou esta mañá nun encontro de traballo co dobre obxectivo de coñecer os avances nos proxectos aprobados e facilitar o asesoramento necesario para a súa correcta execución, e no que salientou que o sector está a liderar, co apoio da Xunta, os investimentos no eido da Industria 4.0, con máis de 5 millóns de euros ao abeiro das dúas primeiras convocatorias para proxectos piloto. Xa se celebrou outro encontro de seguimento con empresas dos sectores do metal e aeronáutico que están investindo neste ámbito.

más información
14-5-2018 A Xunta e a Cámara de Comercio da Coruña avanzan na elaboración de estratexias conxuntas de promoción industrial

O director do Igape, Juan Cividanes, clausurou a presentación do Plan de Promoción Industrial, elaborado pola institución cameral coruñesa co apoio da Administración autonómica. Destacou a colaboración entre o Goberno galego, as entidades públicas e privadas e as empresas como ferramenta clave para a implantación da Industria 4.0, e lembrou que a Axenda 4.0, posta en marcha pola Consellería de Economía, Emprego e Industria en 2015, leva apoiados proxectos de modernización tecnolóxica de máis de 4200 empresas.

más información
9-5-2018 A Xunta salienta os investimentos no ámbito da industria 4.0 como clave para consolidar a recuperación económica a medio e longo prazo

O director xeral do Igape, Juan Cividanes, destacou a complementariedade dos instrumentos financeiros dos gobernos galego e central para avanzar na modernización do tecido produtivo da comunidade autónoma na xornada Financia Industria celebrada en Vigo esta mañá, na que representantes do MINECO e de ENISA presentaron as novas convocatorias de préstamos para investimentos en industrialización en xeral e, en concreto, para actuacións no eido 4.0. A Xunta mantén activo o novo programa de Instrumentos Financeiros Innovadores e activará unha nova convocatoria de axudas para facilitar novos investimentos 4.0 en Galicia.

más información
27-4-2018 A Xunta destaca o papel da innovación na expansión internacional das Pemes de alimentación galegas

O director do Igape, Juan Cividanes, abriu a xornada internacional de traballo que reúne en Santiago a empresas e expertos en nutrición da poboación maior de 50 anos. Destacou o compromiso das empresas alimentarias galegas coa innovación e a especialización como clave dos seus avances na competitividade e internacionalización dos seus produtos. Salientou o apoio da Xunta a máis dun cento de proxectos de internacionalización desenvolvidos nos últimos anos polas pemes do sector. O Clúster Alimentario Galego lidera o proxecto europeo Inclusilver, orientado ao aproveitamento das oportunidades relacionadas coa alimentación especializada e a economía sénior.

más información
25-4-2018 A Xunta destina máis de 1,7 millóns de euros para a formación de 40 novos especialistas en internacionalización empresarial

O Diario Oficial de Galicia (DOG) publica hoxe a nova convocatoria do programa da Consellería de Economía, Emprego e Industria para a especialización de persoas con titulacións universitarias ou profesionais relacionadas co ámbito empresarial. O programa facilítalles aos seleccionados competencias na internacionalización de empresas, mellorando a súa empregabilidade e potenciando a competividade internacional das pemes galegas. A formación práctica, que inclúe un ano en contacto co tecido empresarial galego, complétase con outro de estadía en 14 destinos de Asia, América, África e Europa.

más información