Noticias

Igape - Igape - Actualidade

Igape, Instituto Galego de Promoción Económica

17-12-2018 A Xunta impulsa con 3,6 millóns de euros as exportacións de 600 pemes e autónomos a través do Plan Foexga

A iniciativa, desenvolvida en colaboración coas Cámaras de comercio galegas, apoiará misións comercias directas así como a participación en feiras internacionais e en eventos promocionais. Poden beneficiarse destas axudas as pemes galegas e os autónomos que buscan comezar ou reforzar a súa internacionalización. Durante 2019 e 2020 as empresas beneficiarias poderán acollerse a unhas 160 accións en máis de 50 países. Este plan complementa os servizos de apoio que se achegan a través do Igape, como o programa Galicia Exporta, e que forman parte das accións impulsadas no marco da Estratexia de internacionalización da empresa galega.

más información
14-12-2018 A Xunta impulsa o emprendemento a través de programas que apoian a formación, o asesoramento e o financiamento de novos proxectos empresariais

O director do Igape, Juan Cividanes, participou esta tarde na entrega dos Premios Xove Empresario e Xove Emprendedor organizados por AJE Vigo. A Xunta fomenta o emprendemento innovador mediante programas como o Galicia Emprende e a plataforma StartIN na que se enmarcan os espazos coworking e a rede de aceleradoras.

más información
13-12-2018 A Xunta destaca o aumento da taxa de emprendemento e o impulso aos apoios ás novas empresas na presentación do Estudo GEM Galicia

O director do Igape, Juan Cividanes, participou esta mañá en Santiago de Compostela na presentación do Informe Executivo, que avalía a evolución do emprendemento na Comunidade Autónoma e que indica que os novos empresarios buscan a innovación e a internacionalización das súas compañías. O Goberno galego coordina un marco integral de apoios que suma asesoramento para o deseño de proxectos e axudas para a creación, a consolidación e a proxección exterior das novas empresas.

más información
3-12-2018 A Xunta apoia 33 iniciativas empresariais que mobilizan 4 millóns de euros a través do programa Galicia Emprende

A Consellería de Economía, Emprego e Industria concede axudas por 1,2 millóns de euros para apoiar a creación de novas empresas ou a consolidación de compañías nos primeiros 42 meses de funcionamento. Os proxectos aprobados contemplan a creación e mantemento de 110 empregos e abranguen actividades tanto do sector industrial como dos servizos. O Galicia Emprende regula apoios directos para a posta en marcha ou a consolidación temperá de negocios impulsados por autónomos e emprendedores, facilitando así a xeración de emprego.

más información
3-12-2018 Feijóo apunta como reto do Igape para a vindeira década promover a plena converxencia do ámbito universitario e científico co tecido empresarial

O titular da Xunta presidiu o acto de celebración do 25 aniversario do Instituto Galego de Promoción Económica. Precisa que para dar un novo impulso á Industria 4.0 se destinarán en 2019, 40 millóns para que as empresas poidan investir en dixitalización e para convocar o Programa fábrica intelixente. No eido do financiamento, destinaranse 60 millóns para financiar investimentos empresariais e axudar a que o tecido empresarial galego gañe tamaño. Resalta que ao longo destes 25 anos o Igape axudou a máis de 81.000 empresas, que mobilizaron en total preto de 14.000 millóns de euros. Agradece o traballo dos profesionais deste instituto, dos membros do seu Consello de Dirección, de Xesgalicia e dos antigos directores; cunha mención especial para José Antonio Orza.

más información
27-11-2018 As vendas ao exterior na automoción, maquinaria e forestal permiten que as exportacións medren en Galicia máis do dobre que no conxunto de España

O director do Igape, Juan Cividanes, presentou os resultados das exportacións galegas nos primeiros nove meses do ano, nos que medraron un 7,65% con respecto ao mesmo período de 2017. Subliñou o compromiso da Consellería de Economía, Emprego e Industria no apoio ás pemes galegas para a súa consolidación exterior nos mercados tradicionais europeos e na súa proxección nos asiáticos. Desde xaneiro ata setembro de 2018, un total de 6.100 compañías galegas venderon os seus produtos no exterior, o que supón un incremento do 6,7% con respecto ao mesmo período de 2017.

más información
22-11-2018 A Xunta destaca en Culleredo a aposta do Contract pola consolidación internacional mediante iniciativas de cooperación

O director do Igape, Juan Cividanes, participou hoxe na inauguración das instalacións do Workshop Contract, un espazo innovador único en España creado por unha decena de empresas. A plataforma dá aceso aos profesionais do sector e da arquitectura ás innovacións técnicas e de materiais no equipamento de edificios colectivos ao tempo que ofrece un espazo de formación e xeración de ideas. A Consellería de Economía, Emprego e Industria, a través da Estratexia de internacionalización, reforza os esforzos de proxección exterior das pemes do sector. Nos primeiros nove meses do ano as vendas de Galicia ao estranxeiro incrementáronse nun 7,6% fronte ao 3,2% da media estatal.

más información
19-11-2018 A Xunta promove o incremento da presenza das empresas alimentarias galegas no mercado mexicano

Representantes do Igape e da Cámara de Comercio da Coruña presentan ás empresas galegas a convocatoria de participación na Feira Expo Antad & Alimentaria que se celebrará en México en marzo de 2019, e na que Galicia contará cun pavillón no que tamén estarán presentes Anfaco e os Consellos Reguladores das D.O. Ribeiro e Rías Baixas. O obxectivo é reforzar a posición dos produtos galegos e apoiar as empresas galegas que están á procura de oportunidades comerciais nese país. A misión conxunta estará financiada ao 90% polo Plan de fomento das exportacións galegas (Foexga) que desenvolve a Consellería de Economía, Emprego e Industria. En 2017 o volume de exportacións ao país centroamericano superou os 400 millóns de euros, situándoo no posto número trece no total das vendas galegas ao exterior.

más información
13-11-2018 A Xunta incrementa as axudas á internacionalización para chegar a 261 pemes e a case un cento de mercados

A Consellería de Economía, Emprego e Industria concede apoios a través do Galicia Exporta Empresas por preto de 5 millóns de euros para desenvolver iniciativas de promoción exterior, un 49% máis ca na convocatoria anterior. A alimentación, o TIC, o téxtil, os servizos, a madeira-moble ou a maquinaria son algúns dos sectores beneficiados por estas actuacións, que inclúen a difusión, promoción e a prospección nos mercados internacionais. Este programa compleméntase co Galicia Exporta Organismos Intermedios, enmarcado tamén na Estratexia de Internacionalización da Empresa Galega 2020, que promove as exportacións como motor de emprego e crecemento empresarial. O próximo mes de xaneiro abrirase a seguinte convocatoria de solicitude de axudas para levar a cabo accións durante 2019 e a primeira metade de 2020.

más información
12-11-2018 A Xunta busca continuar incrementando as exportacións das empresas galegas a Brasil

Representantes do Igape reuníronse cunha delegación de empresarios do sector téxtil deste país, que visitan estes días Galicia co obxectivo de ampliar as relacións económicas. A misión empresarial amosou o seu interese pola Estratexia de Internacionalización da Empresa Galega impulsada pola Consellería de Economía, Emprego e Industria. Ata agosto deste ano, o volume de exportacións das empresas galegas a Brasil acadou os 90,4 millóns de euros, un 18,5% máis que en todo 2017. Medran tamén as vendas ao exterior do sector da moda galego a este mercado, que se incrementan nun 117,5% e superan os 11,5 millóns de euros.

más información