Novas

Igape - Igape - Actualidade

Igape, Instituto Galego de Promoción Económica

22-1-2020 A Xunta apoia mediante o programa Galicia Emprende 60 iniciativas empresariais que mobilizarán máis de 9 M?

A Consellería de Economía, Emprego e Industria concede axudas por case 2,3 millóns de euros para apoiar proxectos de creación de novas empresas ou de consolidación de compañías nos primeiros 42 meses de funcionamento. Os proxectos aprobados contemplan a creación e mantemento de 224 empregos e abranguen actividades tanto do sector industrial como dos servizos. Ao abeiro do Galicia Emprende e Galicia Rural Emprende, en 2019 o Goberno galego destinou 9 millóns de euros a impulsar máis de 180 iniciativas empresariais que investirán máis de 20 millóns.

máis información
20-1-2020 A Xunta impulsa a transformación dixital de 112 pemes que mobilizan investimentos por valor de 5,5 M?

A Consellería de Economía, Emprego e Industria vén de resolver apoios por valor de 2,2 millóns de euros para facilitar a modernización e mellora da competitividade das pemes a través de proxectos de dixitalización. No marco da Axenda 4.0, o programa apoia o investimento en equipos e software, cubrindo entre o 20% e o 30% do material necesario. Entre as iniciativas aprobadas atópanse a posta en marcha dunha plataforma vitivinícola integrada, sistemas de dixitalización da seguridade industrial e de información para a transformación integral de procesos industriais. Co obxectivo de impulsar a transformación dixital do tecido empresarial galego e a Industria 4.0, a Xunta activará nas próximas semanas programas de apoio por preto de 67 millóns de euros.

máis información
16-1-2020 A Xunta destaca en Vilalba a especialización e o talento dos mozos galegos como chaves para impulsar a Industria 4.0

O director do Igape, Juan Cividanes, visita as instalacións de Pelé Design and Retail, unhas das 85 empresas que contratarán persoas novas a través do programa Profesionais 4.0. Salienta que, cun orzamento de dous millóns de euros, esta liña pioneira permitirá a 160 titulados de ata 35 anos acceder ao mercado laboral desenvolvendo proxectos de mellora competitiva. Xunto con Maquinaria 4.0 e os centros de fabricación avanzada, é unha das novas liñas activadas pola Consellería de Economía, Emprego e Industria no marco da Axenda Industria 4.0. 

máis información
13-1-2020 Os emprendedores lucenses poden inscribirse ata o 31 de xaneiro nos coworking da Marina, A Ribeira Sacra e Palas de Reis

Durante as últimas catro convocatorias realizadas na provincia de Lugo destas iniciativas, nas que colaboran a Xunta e a Escola de Organización Industrial (EOI), foron apoiadas 85 novas empresas. Mañá preséntase a quinta edición do coworking de Mondoñedo, que leva promovido a creación de 53 empresas. O novo espazo de Palas súmase aos abertos este ano no Ribeiro e Moaña e aos xa activos en Mondoñedo, Monforte de Lemos, Celanova, Cabana de Bergantiños, Ferrol, Santiago e Vilanova de Arousa.

máis información
13-1-2020 A Xunta mantén aberto o prazo de solicitudes para participar nos coworking de Celanova e Cenlle

Os emprendedores poden inscribirse ata o 31 de xaneiro nas convocatorias das aceleradoras que se desenvolverán nestes dous concellos ourensáns. O novo espazo de Cenlle súmase aos abertos este ano en Palas de Rei e Moaña e aos xa activos en Celanova, Mondoñedo, Monforte de Lemos, Cabana de Bergantiños, Ferrol, Santiago e Vilanova de Arousa. Durante as últimas edicións realizadas na provincia foron apoiadas 70 novas empresas.

máis información
10-1-2020 Feijóo avanza a posta en marcha de dez programas para, cun total de preto de 67 M?, impulsar a transformación dixital e o modelo da Industria 4.0 no tecido empresarial galego

Entre os que se convocan por primeira vez, destaca o proxecto Maquinaria 4.0, os apoios para o desenvolvemento de centros de fabricación avanzada e o desenvolvemento de dous hubs de innovación dixital. Entre os existentes, salienta a cuarta convocatoria dos Proxectos Industria 4.0, para impulsar iniciativas que permitan seguir avanzando no desenvolvemento da fábrica intelixente e conectada en sectores estratéxicos da economía. A industria forestal contará un ano máis con programas específicos, por 12,4 M?, para realizar investimentos en tecnoloxías forestais, procesado, mobilización e comercialización de produtos forestais, así como para empresas da segunda transformación da madeira e o sector contract.

máis información
8-1-2020 A Xunta abre o prazo de solicitudes do novo programa para a creación de centros de fabricación avanzada que mellorarán a competitividade das pemes

O Diario Oficial de Galicia publica hoxe a convocatoria da nova liña, dotada con 16 millóns de euros, que facilitará ás empresas as infraestruturas necesarias para modernizar a industria galega. A Consellería de Economía, Emprego e Industria financiará, con apoios de ata o 80% do investimento, a creación de espazos de uso aberto e compartido destinados a ensamblaxe, loxística e recursos tecnolóxicos, acondicionamento especializado de solo industrial e espazos ?maker? de fabricación compartida. O prazo de presentación de solicitudes permanecerá aberto ata o 9 de marzo.

máis información
17-12-2019 A Xunta anima as pemes de Ferrolterra a reforzar a aposta pola Industria 4.0 para incrementar a súa competitividade

O director do Igape, Juan Cividanes, participou hoxe na xornada Experiencias empresariais nas tecnoloxías 4.0, que reuniu en Ferrol a compañías e profesionais do norte da provincia coruñesa. Subliña o compromiso do Goberno galego no apoio á transformación tecnolóxica do tecido produtivo mediante as axudas á dixitalización, os Proxectos 4.0 e o resto de programas impulsados pola Axenda 4.0. O encontro enmárcase na colaboración entre a Consellería de Economía, Emprego e Industria e a Confederación de Empresarios de Ferrolterra, Eume e Ortegal (Cofer).

máis información
11-12-2019 A Xunta salienta os avances en Industria 4.0 como chaves para potenciar a competitividade das pemes galegas

O director do Igape, Juan Cividanes, participou en Santiago nunha xornada sobre os apoios que ofrece Activa 4.0, programa desenvolto pola Consellería de Economía, Emprego e Industria e a Escola de Organización Industrial. Destaca a posta en marcha das novas iniciativas da Axenda 4.0 co obxectivo de potenciar a transformación dixital, como os centros de fabricación avanzada.

máis información
9-12-2019 A Xunta mantén aberto ata o 30 de decembro o prazo para solicitar apoios para a contratación de xestores de internacionalización

O programa da Consellería de Economía, Emprego e Industria conta cun orzamento dun millón de euros. Búscase impulsar a promoción exterior das pemes coa contratación de especialistas en comercio exterior, ao tempo que se facilita a incorporación ao mercado laboral de mozos profesionais e, como novidade nesta convocatoria, persoas maiores de 45 anos desempregadas.

máis información