Novas

Igape - Igape - Actualidade

Igape, Instituto Galego de Promoción Económica

7-10-2019 A Xunta destaca en Ponteareas a aposta de Galicia pola dinamización económica no eido rural

O director do Igape, Juan Cividanes, clausurou hoxe o IV Encontro Empresarial organizado pola asociación de desenvolvemento rural GDR Condado Paradanta. Ata o 18 deste mes permanece aberto o prazo de presentación de solicitudes das axudas do programa Galicia Emprende, desenvolto pola Consellería de Economía, Emprego e Industria.

máis información
4-10-2019 Un cento de empresas galegas e portuguesas impulsan a súa internacionalización na Semana Contract Galicia

A Consellería, Emprego e Industria organiza esta iniciativa co obxectivo de incrementar as oportunidades de negocio a nivel mundial do sector especializado no equipamento integral de edificios colectivos. A novena edición das xornadas amplía a súa actuación ao norte de Portugal e consolida o evento como punto de encontro entre pemes e prescritores internacionais.

máis información
3-10-2019 A Xunta convida a compañías e agrupacións empresariais a participar no desenvolvemento de nova tecnoloxía feita en Galicia

O director do Igape, Juan Cividanes, informou hoxe en Santiago nun encontro empresarial da nova convocatoria para que envíen propostas de desenvolvemento de solucións de cara á posta en marcha do programa piloto Maquinaria 4.0. A iniciativa busca incentivar aos fabricantes de maquinaria a desenvolver produtos que dean resposta a necesidades concretas, reforzar a estandarización no sector e facilitar a compra local, nacional e internacional de tecnoloxía feita en Galicia.

máis información
30-9-2019 A Xunta convoca as empresas a un encontro para avanzar no desenvolvemento de tecnoloxía 'made in Galicia'

Na xornada, organizada pola Consellería de Economía, Emprego e Industria, informarase sobre a invitación para que as compañías acheguen solucións baseadas en máquinas e bens de equipo. A convocatoria, que se manterá aberta ata o 22 de outubro, servirá para avanzar na nova liña de axudas Maquinaria 4.0.

máis información
26-9-2019 Galicia impulsa a dixitalización das pemes co obxectivo de incrementar as súas vendas ao exterior e abrir novos mercados

O director do Igape informou hoxe en Vigo das xornadas formativas sobre internacionalización dixital que a Xunta pon en marcha para impulsar o desenvolvemento no exterior das pemes galegas. A iniciativa inclúe encontros nas principais cidades galegas e asesoramento profesional e personalizado ás empresas asistentes. Tamén no eido da internacionalización, publícase hoxe a resolución do Galicia Exporta Empresas, que, xunto co programa xestionado por agrupacións empresariais, impulsará máis de 800 proxectos en preto de 100 países.

máis información
24-9-2019 Un encontro empresarial impulsado pola Xunta abordará mañá en Santiago a relevancia de anticiparse ás transformacións tecnolóxicas

A xornada, organizada pola Consellería de Economía, Emprego e Industria, a Asociación para o Progreso da Dirección (APD) e o Círculo Financeiro de Galicia, forma parte do programa Capacita Directivos.

máis información
24-9-2019 A Xunta anima á industria agroalimentaria galega a seguir incrementando as súas vendas no exterior

O director do Igape, Juan Cividanes, participou esta mañá en Vigo nun simposio internacional sobre a internacionalización do sector agroalimentario transfronterizo, promovido por Anfaco-Cecopesca. Destaca a aposta das empresas galegas de alimentación pola consolidación no exterior das súas vendas e a apertura de novos mercados. De xaneiro a xullo de 2019, as vendas ao exterior destes produtos medraron un 6,2% con respecto ao mesmo período do ano pasado, superando os 580 M?.

máis información
16-9-2019 As empresas galegas poden solicitar ata o 7 de outubro as axudas do programa Profesionais 4.0 para contratar mozos e mozas de ata 35 anos

A Xunta promove esta iniciativa innovadora para impulsar a Industria 4.0 mediante a contratación de 140 persoas con titulación universitaria ou de técnico superior de FP. Poderán especializarse e acceder ao mercado laboral desenvolvendo proxectos de mellora competitiva en compañías e organizacións empresariais. Enmárcase na nova Axenda 4.0, á que Consellería de Economía, Emprego e Industria destinará 350 millóns de euros entre 2019 e 2022.

máis información
24-7-2019 A Xunta apoia aos emprendedores do coworking do Salnés na súa aposta pola especialización e a oferta de produtos e servizos de calidade

O director do Igape, Juan Cividanes, participou hoxe en Vilanova de Arousa na clausura da terceira edición da aceleradora promovida polo Goberno galego en colaboración coa Escola de Organización Industrial (EOI). Salienta que os 22 novos empresarios optan pola valorización dos recursos do territorio e a produción sostible. Os participantes contaron cun asesoramento especializado e titoría personalizada no Pazo Vista Real, onde se levan impulsado 65 plans empresariais, con preto de 30 xa en marcha.

máis información
22-7-2019 A Xunta impulsa a Industria 4.0 mediante 23 plans formativos de dixitalización nos que se prevé a participación de 200 empresas

O DOG vén de publicar a resolución da última convocatoria desta iniciativa, que a Consellería de Economía, Emprego e Industria impulsa a través do Igape. A liña de axudas facilita a xeración de solucións tecnolóxicas e formas de colaboración para a posta en marcha de ferramentas dixitais. Enmárcase dentro da nova Axenda 4.0, coa que Galicia aspira a crear 13.500 novos empregos industriais.

máis información