Novas

Código Cero - Diario Tecnolóxico de Galicia

Información sobre novas tecnoloxías en Galicia e en galego.

Trump quere que as grandes compañías estadounidenses deixen de producir en China


Pese a que a finais de xuño as declaracións realizadas polo presidente dos EE.UU. daban a entender que o acordo comercial con China estaba a chegar a bo porto, de xeito que poderían soterrar a machada de guerra, de xeito que Huawei volvería á normalidade, pero vese que as negociacións non están a avanzar como se esperaba, de xeito que Trump optou por publicar unha serie de comentarios en Twitter atacando directamente a China, país ao que denuncia por ter roubado a propiedade intelectual dos EE.UU. por valor de centos de milleiros de millóns de dólares ao ano.

máis información
O xogo galego The Waylanders loce teaser na Gamescom


Os estudios galegos Gato Salvaje atópanse estes días na Gamescom, a meirande feira de videoxogos do mundo (cada edición adoita xuntar unha media de case 400.000 visitantes internacionais). Alí, neste prestixioso e referencial punto de encontro do sector, a empresa galega está a presentar The Waylanders, o seu máis recente proxecto e é probábel que o máis ambicioso e que máis expectación está a xerar entre seareiros de todo o mundo.

máis información
Samsung leva á Gamescom os seus monitores para gaming


Samsung acudiu este ano á Gamescom de Colonia para presentar novos monitores orientados aos xogos para PC, entre os que destacou especialmente o CRG5, o monitor gaming curvo máis recente da compañía surcoreana que presume de ser o primeiro da súa categoría en contar cunha taxe de refresco de 240 Hz e nVIDIA G-Sync, conseguindo unha grande experiencia para xogadores.

máis información
A ferramenta BBVA One View xa é empregada por máis de 4.200 firmas galegas


A aplicación BBVA One View, que permite ás empresas obter a información financeira dos produtos agregados dunha soa ollada, vén de acadar os 75.000 clientes en só oito meses, dos cales máis de 4.200 son galegos. Este servizo, que simplifica a xestión da súa tesouraría, incorporou algunhas novidades que facilitan o día a día dos clientes, segundo informa BBVA, que explica que entre estas funcionalidades atópase a posibilidade de termos ?unha visión global dos préstamos e os Terminais de Punto de Venda (TPV) ao podermos agregar os doutras entidades, controlar a liquidez da empresa en tempo real e optimizar o uso das súas liñas de crédito?.

máis información
A Deputación de Pontevedra brinda un setembro ateigado de formación TIC para a mocidade


A Deputación de Pontevedra fará arrancar en setembro dez novos obradoiros do proxecto Millennials 2019, o plan de empregabilidade xuvenil pola vía da capacitación innovadora, creativa e tecnolóxica. Entre estas accións formativas figura a nova edición de dous cursos TIC en Pontevedra e Vigo que se están a desenvolver desde xullo, pero dos que a Deputación decidiu realizar unha nova convocatoria pola ?súa gran demanda e acollida?.

máis información
O Concello de Pontevedra aproba a declaración de accesibilidade da súa eSede


O Concello de Pontevedra vén de aprobar a declaración de accesibilidade da Sede Electrónica. E faino logo de dunha ?autoavaliación? desenvolvida a través de informe solicitado ao Observatorio de Accesibilidade. Segundo informa o Goberno local, a declaración conforma ?o primeiro chanzo na aplicación das normativas, estatal e europea, destinada a garantir uns requirimentos mínimos de accesibilidade de sitios webs e aplicacións para dispositivos móbiles do sector público?. Con isto, o Concello espallar a relación dixital real e efectiva a toda a cidadanía, evitando que a súas canles e ferramentas online fomenten dalgún xeito a fenda dixital.

máis información
Euskaltel lanza unha tarifa converxente de 19,90 euros


O Grupo Euskaltel, no que está integrada a operadora galega R, vén de fortalecer a súa estratexia comercial co lanzamento do que sería, nas súas palabras, ?a oferta máis completa do mercado das telecomunicacións no ámbito español?. O paquete, que responde á estratexia do grupo de brindar ?o mellor do mellor pola metade da metade?, consiste en 500 Mbps, móbil ilimitado máis 20 GB, TV e teléfono fixo, por 19,90 euros.

máis información
As vantaxes da fibra até o fogar de Movistar, polo miúdo estes días en Esgos


A xira galega (roadshow) da Movistar segue adiante estes días de agosto, facendo divulgación tecnolóxica e percorrendo as nosas localidades (15 dos nosos concellos). O itinerario, que informa das vantaxes e posibilidades das redes ultrarrápidas de Telefónica, chega esta fin de semana ao concello ourensán de Esgos.

máis información
A Epic Games Store regala o xogo FEZ


A Epic Games Store non só está a atraer xogadores conseguindo lanzamentos en exclusiva temporal na súa versión para PC, senón tamén regalando videoxogos, e xusto estes días está a chamar moito a atención por agasallar a todos os usuarios que o soliciten o xogo independente FEZ, un dos títulos máis premiados dos últimos anos, que poden conseguirse de balde até o 29 de agosto, cando habitualmente ten un prezo de 7,99 euros.

máis información
Samsung sorprende co seu Galaxy A30s


A serie de smartphones Galaxy A de Samsung están a ter unha magnífica acollida, de aí que a compañía surcoreana continúe a ampliar esta gama de produtos de gama media cun prestacións bastante elevadas. O novo integrante desta serie é o Samsung Galaxy A30sa, un teléfono cunha pantalla infinita, cámara versátil e batería de grande duración, que xunto ao rechamante acabado da súa carcasa (que presente un deseño cun patrón xeométrico e un efecto holográfico futurista, e está dispoñible en 4 cores distintas), convértese nun produto moi a ter en conta.

máis información
Android Q chamarase finalmente Android 10


Tradicionalmente as versións de Android identifícanse cun número e un alcume con nome de sobremesa que decídese cada ano seguindo unha orde alfabética, e aínda que esa práctica resultaba divertida, porque permitía xogar a adiviñar cal sería o nome da versión de cada ano, así como facilitaba a creación de imaxes e logotipos representando a larpeirada do ano xunto ao robot-mascota de Android, pero tamén provocaba certa confusión, por non ser todas as sobremesas igualmente coñecidas a nivel mundial, e incluso por resultar complicado identificar algunha das letras a nivel global, decidiron prescindir da nomenclatura clásica, e a vindeira versión do sistema operativo promovido por Google e que até o momento coñecías como Android Q non pasará a chamarse Android Queixo ou algo semellante, senón que atenderán simplemente ao nome de Android 10.

máis información
A aula CeMIT de Boiro ofrece un setembro de formación TIC básica para a cidadanía


A aula CeMIT de Boiro, o espazo formativo de alfabetización e capacitación dixital emprazado na rúa Manuel María (no edificio do Centro Social), ten preparado un completo programa docente e dinamizador para este mes de setembro. Segundo informa o Concello, a aula achegará catro cursos para permitir á cidadanía introducirse nos usos básicos e nas principais vantaxes das ferramentas dixitais, complementándose o programa cunha actividade formativa sobre maquetación web.

máis información
A Xunta achegará axudas de dixitalización a 132 proxectos


O Goberno galego quere que o tecido produtivo de vangarda suba aínda máis chanzos en transformación e innovación. Nesta liña insírese o programa de axudas á dixitalización da Industria 4.0, que apoia a 132 beneficiarios. O programa, co-financiado entre o IGAPE e o Fondo Europeo de Desenvolvemento Rexional, abrangue un investimento de preto de 2,30 millóns de euros.

máis información
Denuncian que o iPhone 7 supera os límites de radiación establecidos legalmente


Aínda que non existen evidencias sobre o perigo das emisións dos nosos smartphones na saúde dos seres humanos, determináronse uns valores de radiación máximos como medida de seguridade, de xeito que ningún dispositivo comercializado legalmente debería superar certos parámetros, algo que puxeron en dúbida dende o Chicago Tribune, xornal que contratou a un laboratorio para realizar probas con varios smartphones concluíndo que o iPhone 7 non só superaba os niveis os máximos fixados legalmente, senón que chegaba a dobrar as emisións acreditadas ante os organismos reguladores.

máis información
As bibliotecas da Coruña proseguen en verán e outono o seu labor de formación TIC


As bibliotecas municipais da Coruña queren contribuír este ano á alfabetización e capacitación tecnolóxicas da cidadanía. E faino cun programa de formación que inclúe unha manchea de obradoiros e que está dirixido a ?proporcionar os coñecementos básicos para desenvolvernos no mundo dixital?.

máis información
Gears POP! chega a dispositivos móbiles


A franquía de Gears of War chega a móbiles dun xeito moi especial, acompañada por deseños de Funko POP!, de xeito que temos un título de batallas multixogador ambientado no universo de Gears, pero con personaxes coa aparencia dos bonecos cabezóns de Funko que xa son todo un referente da nosa cultura popular.

máis información
O Concello de Vigo achega un completo programa de obradoiros de alfabetización dixital


A cidadanía de Vigo vai ter ao seu alcance un completo programa formativo destinado a facilitarlle o emprego básico das novas ferramentas tecnolóxicas, de gran utilidade para fortalecer a súa empregabilidade, a súa comunicación e mesmo a súa relación coas administracións públicas. Segundo vén de informar o Concello, xa está aberto o proceso para participar nos cursos de alfabetización dixital que promove o Goberno local e dos que informou este mércores o alcalde, Abel Caballero. Impartiranse nos meses de setembro e outubro, con formación sobre informática, robótica, mecanografía, Internet e ofimática básica.

máis información
Disney+ podería tardar bastantes meses en chegar a España


O 12 de novembro será a estrea de Disney+ en EE.UU., Australia, Nova Zelandia, Canadá e Países Baixos, e aínda que poderiamos confiar en que a expansión internacional do servizo fose a ser rápida, no caso español a plataforma que integrará marcas como Disney, Pixar, Marvel, Star Wars e National Geographic podería tardar bastantes meses en desembarcar por culpa dun acordo vixente dende 2017 con Movistar+, que expiraría a finais de 2020.

máis información
O Concello de Boiro traballa para levar fibra de alta velocidade a 2.450 inmóbeis


O Concello de Boiro, co novo equipo de Goberno de José Ramón Romero á fronte, vén de achegar máis información sobre a súa estratexia para impulsar o ámbito tecnolóxico-dixital no municipio, unha estratexia que se está a materializar en máis banda larga e máis posibilidades de acceder á Rede de alta velocidade para a veciñanza das parroquias, máis transparencia e participación e máis información e comunicación local nas redes sociais. As medidas, que xa avanzamos os días pasados, comezaron a aplicarse. Por exemplo cos traballos que arrincaron en diversos puntos do termo municipal para a instalación de fibra de alta velocidade e que dotarán deste servizo a uns 2.540 inmóbeis.

máis información
As TIC fortalecerán os Ancares e O Courel como destinos de turismo científico


A Deputación de Lugo vai impulsar unha rede profesional para potenciar Os Ancares e O Courel como destino turístico científico. A rede estará formada polos 16 concellos da provincia incluídos nestas dúas comarcas de gran riqueza medioambiental e paisaxística. Tamén participarán universidades, administracións con competencia turística, empresas do sector, fundacións e investigadores. A rede contará cun foro dixital no que todas as entidades e axentes implicados poderán debater temas e propostas e recoller as opinións dos membros.

máis información
O Concello de Ames achegou axudas para a dixitalización do comercio local


O Concello de Ames vén de aprobar o pagamento de máis de 36.000 euros en materia de subvencións para o fortalecemento do comercio local, exercicio 2017-2018. A finalidade destas axudas é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames (Asociación de Comerciantes de Bertamiráns, a Asociación de Empresarios do Parque Empresarial do Milladoiro e a Asociación de comerciantes Palmira Bulevar). Entre os aspectos subvencionábeis figura o pulo á dixitalización.

máis información
O encontro inaugural en Balaídos estreou as experiencias futboleiras de Realidade Aumentada con smartphones


O partido deste sábado entre o Real Madrid e o Real Club Celta, que significou o comezo de LaLiga Santander 2019-2020, foi o primeiro da historia en ofrecer unha experiencia de Realidade Aumentada para smartphone nun estadio. Así o deron a coñecer a operadora Orange, o buscador Google e máis a firma TIC Wildbytes, que engadiron que na iniciativa participaron máis de 23 mil seareiros, vivindo de pleno o transcurso do partido en cadanseu teléfono intelixente. ?Foi unha experiencia de RA sincronizada nunca vista antes e combinando espectáculo e fútbol?, informaron.

máis información
O CEMMA conmemora os seus 10.000 followers no Facebook


A Coordinadora para o Estudo dos Mamíferos Mariños (CEMMA) está estes días de celebración: unha conmemoración tecnolóxico-dixital. Máis en detalle, está a festexar a consecución de 10.000 seareiras e seareiros no Facebook de seu, onde a organización galega informa polo miúdo das súas actividades, da súa investigación oceánica e do seu traballo a prol dos animais que varan ou están en risco de encallar no noso litoral (o CEMMA e a súa Rede de Varamentos é, xunto co 112 e os grupos locais de Protección Civil, o principal órgano ao que acudir no caso de que vexamos un animal mariño en apuros). Agora, en palabras do CEMMA e da súa comunidade de Facebook, toca seguir traballando e toca acadar outra cifra semellante de incorporacións.

máis información
A aplicación móbil de Vigo permite consultar as prazas libres en cinco estacionamentos


O Concello de Vigo vén de presentar os detalles da máis recente actualización da aplicación móbil municipal, con importantes funcionalidades extra para veciñanza e residentes. A app Vigo, entre outras cousas, dará conta do estado de ocupación dos aparcamentos da cidade, permitindo consultar en tempo real as prazas libres en cinco estacionamento. Nun primeiro momento, a app ofrecerá información sobre media decena de instalacións (Policarpo Sanz, Areal, Urzáiz, Independencia e Pintor Colmeiro), pero está previsto sumar, de maneira paulatina, os restantes parkings.

máis información
As lavadoras e os lavalouzas de LG pedirán automaticamente o deterxente e o xabón


A primeiros de setembro celebrarase a feira IFA en Berlín, e como vén a ser habitual, dende LG comezaron a adiantar as novidades que achegarán a este grande encontro europeo, entre as que destacan que a súa liña de electrodomésticos ThinQ comezará a integrar o servizo Amazon Dash Replenishment en Europa, ou sexa, que poderase aproveitar a tecnoloxía de fogar conectado de LG para que dispositivos como lavadoras ou lavalouzas poidan pedir máis xabón, deterxente ou suavizante cando estea preto de rematarse, evitando así quedar sen el na casa.

máis información
Nintendo bloquea vídeos de YouTube que fan uso da súa música


Nos últimos días está a causar certo rebumbio o feito de que varias canles de YouTube recibisen unha reclamación de Nintendo por violación de dereitos de autor, xa que tratábanse de canles nas que a meirande parte dos seus contidos eran precisamente músicas dos seus xogos.

máis información
Boiro impulsará a banda larga e a comunicación nas redes sociais

Exterior da Casa do Concello de Boiro
Os concellos galegos queren estar na vangarda en materia de acceso ás novas tecnoloxías da información. É o caso de Boiro, cuxo actual rexedor, José Ramón Romero García, Martiño, anunciou na primavera, na campaña pre-electoral, a súa intención de mellorar os servizos de Internet para a veciñanza (residente en Boiro ou nas parroquias e aldeas) e favorecer o emprendemento innovador, o comercio e o traballo colaborativo. Agora que o alcalde do PSdG lidera a alianza do Goberno local, pasados os comicios, a aposta tecnolóxica segue viva e mesmo semella avivarse.

máis información
Apple Music chega aos altofalantes con Alexa


O servizo de streaming musical de Apple non quere pecharse aos seus subscritores e, aínda que está optimizado para o seu uso dende os dispositivos móbiles de Apple e altofalantes como os HomePod, tamén conta con aplicación para Android e agora vén de abrirse en España tamén a altofalantes de terceiros, o que poden comprobar os posuidores dun altofalante Amazon Echo, que dende hai unhas horas poden gozar da skill de Alexa para poder gozar de Apple Music mediante ordes faladas. Esta funcionalidade tamén está dispoñible noutros altofalantes conectados que fan uso de Alexa como o Sonos One e o Sonos Beam.

máis información
A galega Tesla Technologies loitará contra o desemprego xuvenil europeo con tecnoloxía de seu

Os representantes das entidades involucradas no proxecto nunha xuntanza en Eslovenia
A empresa tecnolóxica Tesla Technologies, con sede en Santiago e centrada en servizos de desenvolvemento e consultoría TIC, está involucrada nun proxecto europeo (o proxecto IPS4NEET) para facer avanzar a formación da xente nova e, deste xeito, combater o desemprego e a falta de cualificación especializada. O piar do proxecto será unha plataforma tecnolóxica desenvolvida e validada en colaboración con expertos noruegueses na metodoloxía IPS (Individual Placement and Support).

máis información
Yubico estrea unha chave de seguridade compatible con Lightning


Para dificultar o roubo de identidades en liña leva tempo recomendándose o uso de chaves físicas para mellorar a identificación, e un destes produtos que está a chamar poderosamente a atención é a YubiKey 5Ci, por ser a primeira chave de seguridade compatible con Lightning, ou sexa, que este pequeno trebello conta tanto con conector USB-C (válido para ordenadores persoais e dispositivos con Android) como con conector Lightning (podendo así empregarse tamén co iPhone).

máis información