Novas

16-07-2018

Programa de Especialización en Xestión Empresarial e Organización 4.0

Esta formación para PEMES é froito da colaboración do Clúster TIC con IFFE Business School e conta co financiamento do IGAPE

Programa formativo para abordar a transformación dixital e adaptarse ás necesidades da Industria 4.0

A necesidade das PEMES galegas de adaptarse aos condicionantes da Industria 4.0 é o fundamento deste programa de especialización que está pensado para todas aquelas pequenas e medianas empresas  galegas que precisen abordar os procesos de transformación dixital no curto e medio prazo. 

A formación, ofertada por especialistas previamente seleccionados polo IFFE Business School, porá o foco en alcanzar os seguintes obxectivos:

  • Planificar, xestionar e abordar os procesos básicos para a transformación dixital dunha PEME
  • Aplicar as tecnoloxías actuais e innovadoras nos procesos de transformación dixital da empresa  no marco da Industria 4.0
  • Desenvolver modelos de negocio e xestión dende a perspectiva da Industria 4.0 e da analítica da información 
  • Aplicar as mellores prácticas nos procesos de actualización empresarial e transformación dixital
A metodoloxía do curso suma os beneficios das aulas presenciais cos dos repositorios online con notas técnicas, webinars, bibliografía especializacada e o acceso aos foros do Campus Virtual de IFFE Business School. A maiores, de forma recurrente os alumnos e alumnas coñecerán de primeira man as experiencias de profesionais de éxito no ámbito da Industria 4.0.  

O programa inclúe prácticas en centros tecnolóxicos galegos e empresas do sector. Podes ler en detalle aquí o programa formativo.

Horarios e inscrición na formación

Esta formación está dirixida a PEMES galegas con especial foco no persoal encargado da seguridade da información. Esto aplica para traballadores por conta allea, autónomos dependentes e fundadores, entre outros. A inscrición está tamén aberta a persoal doutros outros sectores que presenten interese na temática da transformación dixital e a Industria 4.0.

Os horarios formativos están pensados para poder ser compatibilizados coa actividade laboral. Por este motivo as sesións terán lugar nos meses de setembro e outubro os venres pola tarde os sábados pola mañá no campus que IFFE Business School ten na Coruña ata completar o total de 64 horas de formación. 

Este progama formativo conta con unha subvención do 70% por parte do Instituto Galego de Promoción Económica (IGAPE), o que reduce a 580€ o custo total da formación. 

As prazas son limitadas e o Clúster  TIC valorará de forma individual cada candidatura para comprobar a vinculación da empresa coa temática do curso. A maiores teránse en conta criterios como a presencia ou non de discapacidade e fomentarase a igualdade de oportunidades entre homes e mulleres. 

Podes solicitar a túa praza a través deste formulario de inscrición ata o 3 de agosto. 

Se precisas máis información, os membros do clúster están á túa disposición no enderezo electrónico info@clusterticgalicia.com ou no teléfono 881 939 651