A directora xeral de Formación e Cualificación para o Emprego da Xunta, Zeltia Lado, visitou as oficinas de Plexus Tech en Santiago de Compostela. Un encontro centrado nestes dous aspectos clave para o presente (e o futuro) do sector IT.
Durante a visita, puideron compartir, desde dentro, cales son hoxe os retos reais en formación e captación de perfís IT. Nunha contorna en constante evolución, a conexión entre empresa, institucións e formación non pode ser puntual. Neste sentido, dende Plexus Tech teñen claro que debe ser continua, práctica e aliñada co mercado.
Neste camiño, a colaboración co Centro de Novas Tecnoloxías de Galicia é un exemplo claro de como avanzar da man. Así, só na última edición, máis de 70 profesionais de Plexus Tech seguiron reforzando as súas competencias nunha contorna formativa conectada coa realidade do sector.
Ademais, iniciativas como o impulso ás microcredenciales marcan un punto de inflexión. Fano cara a un modelo máis áxil, flexible e adaptado ás necesidades específicas das empresas.
Deste xeito, na compañía cren nun modelo no que o talento se constrúe en colaboración, combinando coñecemento, experiencia e visión de futuro.
Comentarios