O proxecto posto en marcha por cinfo sobre a infraestrutura de R aplica a capacidade de cálculo que na actualidade ofrece a computación cuántica á rede troncal de fibra óptica do operador galego para examinar a súa robustez e a súa capacidade de reacción e recuperación ou resiliencia ante potenciais cortes e/o situacións críticas.
Esta información tan relevante permitirá poñer o foco neses puntos detectados coa tecnoloxía cuántica e adiantarse á resolución de problemas, conseguindo desta maneira un índice máximo de dispoñibilidade da rede e de excelencia do servizo.
Puntos de mellora sobre un caso real
A topoloxía dunha infraestrutura de rede avanzada de fibra como a de R esixe un estudo pormenorizado da conectividade das súas nodos e puntos estratéxicos que facilite un balance da súa fortaleza.
Por iso, o de R converteuse para cinfo en caso de uso no que, executando algoritmos ou modelos a través de ordenadores cuánticos, poden detectarse puntos de mellora da rede e extraer conclusións para actuar e perfeccionala.
Os computadores cuánticos onde se probaron os algoritmos dispoñen de 180 e 66 cubits (bits cuánticos) respectivamente. A medida que os computadores cuánticos adquiran máis capacidade poderán incorporarse máis variables e de maior complexidade no estudo algorítmico, polo que o percorrido do proxecto de cinfo, en colaboración co seu socio experto en solucións cuánticas Kipu Quantum, queda aberto a esas melloras máis que predicibles da tecnoloxía cuántica. Espérase que en 2025 estes supercomputadores xa sexan capaces de procesar o algoritmo para unha rede complexa como a troncal de R.
O obxectivo agora é desenvolver estes algoritmos ao máximo antes de 2025 para que poidan examinar pormenorizadamente a rede de fibra do operador galego e de todo o Grupo MASMOVIL a medida quela infraestrutura crece e perfecciónase.
Comentarios