Omar Orta, responsable da área de Ciberseguridade de Plexus Tech participou nun webinar informativo para pemes achegándolles a liña de axudas do programa Activa Ciberseguridade

A transformación dixital de calquera compañía non se pode entender sen a ciberseguridade. Trasladando esta premisa, a director da área de Ciberseguridade de Plexus Tech, Omar Orta, participou, este pasado venres 16 de febreiro, nun webinar informativo de Asime Acelera Peme A Coruña. O encontro virtual serviu para achegar aos empresarios a importancia da seguridade dixital nos seus negocios, con especial mención para o programa Activa Ciberseguridade, unha liña de axudas estatais coas que Plexus Tech colabora como consultora experta.

Tratouse dunha sesión interactiva e didáctica, na que, como expertos na implantación de proxectos deste tipo, achegamos as claves sobre a cultura da ciberseguridade. Unha parte imprescindible para calquera negocio na era da revolución tecnolóxica, xa que a prevención e o control é o mellor aliado para evitar as ameazas no ciberespazo.

Neste sentido, o programa Activa Ciberseguridade do Ministerio de Industria e Turismo, en colaboración coa Escola de Organización Industrial (EOI), supón unha gran oportunidade para as pequenas e medianas de empresas.

Deste xeito, coa axuda de consultoras expertas como Plexus Tech, a través da iniciativa estatal calquera peme interesada recibe un asesoramento especializado e personalizado para desenvolver o seu propio Plan de Ciberseguridade.

Todo iso canalízase como unha subvención, sen custo para a empresa beneficiaria. Esta inclúe unha serie de medidas que lle permiten coñecer o seu nivel se seguridade, elaborar unha estratexia específica e implantar accións de mellora nesta área. Así, o obxectivo é potenciar os seus procesos de ciberseguridade e que se preparen preparados para os desafíos dixitais do mercado.

Plexus Tech, consultora experta de Activa Ciberseguridade

O servizo integral que ofrece Plexus Tech ás pemes que se adhiran ao programa componse de tres pasos cruciais, a desenvolver nun período de catro meses. En primeiro lugar, unha auditoría e diagnóstico que identifica vulnerabilidades e avalía a seguridade actual. A continuación, desenvólvese un plan personalizado, priorizando accións segundo o impacto no negocio. E, finalmente, no peche do proxecto proporciónase orientación detallada e entréganse informes para manter a seguridade a longo prazo.

Nesta liña, a colaboración da compañía tecnolóxica non só busca protexer á peme, senón tamén empoderar ás organizacións na súa postura defensiva contra as crecentes ameazas cibernéticas.

Unha completa actuación que está ao alcance de calquera interesado ou interesada, xa que a convocatoria segue aberta ata que se esgote o crédito. Por iso, este webinar resultou moi interesante para que negocios galegos poidan aproveitar esta gran oportunidade sen custo algún.

En todo caso, para os e as que desexen recibir máis información sobre o programa Activa Ciberseguridade, Plexus Tech pon ao dispor a súa mail hola@plexus.es.

Omar Orta incide na protección da confianza do cliente e da empresa

Durante a súa intervención no webinar de Asime A Coruña, Omar Orta, director da área de Ciberseguridade de Plexus Tech, ao mesmo tempo que presentou o programa de axudas estatalees, tamén trasladou aos empresarios e empresarias participantes a importancia de establecer un modelo de confianza no uso das tecnoloxías.

Na súa intervención, o experto resaltou que, aínda que a transformación dixital ha traído innumerables beneficios, tamén deu lugar a desafíos significativos. “A falta de ciberseguridade pode resultar un caos, especialmente cando se trata da confianza dos clientes, xa que pode convertela nunha desvantaxe”, advertiu.

Así mesmo, o especialista de Plexus Tech incidiu na evolución significativa das ciberamenazas, resaltando que agora involucran a grupos complexos. Entre as que poden marcar este 2024, citou, están a ciberguerra, os ataques creativos en dispositivos móbiles, o aumento de ciberataques entre países ou as ameazas ás cadeas de subministración.

Por iso, #ante este incremento e froito tamén da escaseza de talento na área de ciberseguridade, Omar Orta puxo o foco na necesidade de abordar unha estratexia tecnolóxica defensiva con celeridade. Ademais, achegou detalles e consellos sobre os principais ataques cibernéticos para garantir unha contorna dixital segura.