A nosa asociada Vitae organizou o pasado xoves, 25 de xuño, no CSA da Cidade das TIC a segunda edición de "Utilidade da IA Xenerativa no Desenvolvemento de Software: Realidade ou Ficción?", un evento que contou coa intervención de diferentes expertos, como Juan Martínez, director de Desenvolvemento de Software Plexus Tech, Carlos J. Escudeiro, catedrático e vicerreitor de Tecnoloxías da Información e a Comunicación da UDC, e Carlos González, director de Gobernanza, Arquitectura e Procesos TI en ABANCA.
Estas son algunhas das conclusións máis relevantes extraídas dos relatorios:
Aínda hai máis dúbidas que certezas ao redor da IA, xa que non existe unha metodoloxía para a súa implantación previa, nin un coñecemento sobre como organizala e incorporala ás organizacións.
A pesar dos avances na tecnoloxía, non é certo que o despedimento de programadores débase á implantación da IA, débese a un reaxuste do mercado despois da pandemia, é máis, desde hai un ano está a contratarse máis programadores, e desde o 2016 o volume de contratación destes perfís en todo o mundo creceu un 60% chegando aos 49.000.000 aproximadamente.
Os proxectos que están a funcionar con IA son, sobre todo, dous: pequenas aplicacións e melloras de tarefas como testing e proxectos de software legacy, e hai problemas en proxectos grandes de software. Aquí o que está funcionado son as metodoloxías con Arneses ben implementados, con axentes e con skills, liderados por arquitectos técnicos de software, pero non hai unha metodoloxía nin unha guía aínda para grandes proxectos de software, pois é unha tecnoloxía moi nova con apenas un ano de vida e apréndese sobre a marcha.
As organizacións xa están a apostar pola IA: consideran que é o futuro, é algo que veu para quedarse, pero existe moita incerteza sobre o custo real da IA pola variabilidade do propio custo dos tokens a curto e a medio prazo, o que impide estimar e orzar o valor dos proxectos de desenvolvemento de software, e isto é un freo importante, alén da incerteza política do goberno de EEUU.
A produtividade bruta crece moito pola xeración enorme de código, pero a produtividade neta dependerá do proceso adoptado e ese é outro dos retos para implantar a IA nas empresas.
Predíse un cambio no rol dos programadores, desempeñando un rol máis de deseñadores e analistas, e unha das súas funcións que crecerá será a da verificación dos resultados da IA.
Prevense poucos cambios na xerarquía nos proxectos de software; o que si se estima é a redución do número de programadores por equipo.
Como valoración final da xornada, Vitae sinala que as organizacións están a utilizar a IA "e non hai volta atrás", polo seu enorme potencial e utilidade, pero a súa implantación vese freada pola falta de metodoloxía ao non haber ningunha experiencia previa por ser unha tecnoloxía ben novo.
Outro hándicap é a incerteza sobre o custo a curto e medio prazo desta tecnoloxía, o que impide estimar os investimentos económicos nos proxectos.
Doutra banda, os expertos na materia, sinalan que o rol do programador cambiará cara ao deseño e a verificación.
Comments