O Clúster TIC Galicia traballa para poñer en valor o sector galego das tecnoloxías da información e das comunicacións, promovendo a cooperación e desenvolvendo servizos e ferramentas que lles axuden de maneira efectiva a mellorar a súa competitividade e incrementar o seu volume de negocio.
Poden pertencer á Clúster todas aquelas empresas TIC baixo calquera forma xurídica legalmente recoñecida que teñan o seu domicilio social ou fiscal ou instalacións produtivas cun mínimo de tres persoas contratadas a tempo completo por ano na Comunidade Autónoma de Galicia.
Igualmente, poden formar parte da Clúster as Asociacións de empresas TIC, Colexios e asociacións profesionais, Centros Tecnolóxicos e representantes de grandes clientes privados e públicos, individualmente ou en agrupacións industriais, constituídos baixo calquera forma xurídica legalmente recoñecida.
A efectos da súa incorporación á Clúster, enténdese por empresa TIC aquela dedicada á creación de produtos ou a prestación de servizos de software, hardware, internet, telecomunicacións, infografía, mensaxería electrónica, multimedia, redes de mantemento, consultoría, formación, creación e distribución de contidos audivisuales e demais actividades presentes e futuras relacionadas directa ou indirectamente coas tecnoloxías da información e das comunicacións e o ciclo de vida dos contidos multimedia.
